చెరువు భూములను ఆక్రమిస్తే చర్యలు తప్పవు

ఎల్కతుర్తి: మండలంలోని పలు చెరువులు, కెనాల్‌ పరిధిలోని భూములను ఇరిగేషన్‌ శాఖ అధికారులు పరిశీలించారు. చెరువు భూములను అక్రమంగా దున్నడం, అనుమతులు లేకుండా నిర్మాణాలు చేపట్టడం, వ్యవసాయ భూములుగా మార్చడం వంటి చర్యలకు పాల్పడితే చట్టపరమైన చర్యలు తీసుకుంటామని అధికారులు హెచ్చరించారు.

ఈ సందర్భంగా అధికారులు చెరువులు, కెనాల్‌ పరిధిలోని భూముల పరిస్థితిని పరిశీలించారు. ప్రభుత్వానికి చెందిన చెరువు, నీటిపారుదల భూములను పరిరక్షించేందుకు చర్యలు తీసుకుంటామని తెలిపారు. నిబంధనలకు విరుద్ధంగా ఎలాంటి కార్యకలాపాలకు పాల్పడినా చర్యలు తప్పవని స్పష్టం చేశారు.

అధికారుల పర్యటన సందర్భంగా వ్యవసాయ శాఖ అధికారి, ఇరిగేషన్‌ శాఖ సిబ్బంది, రైతులు పాల్గొన్నారు.