వెలుగొండ నిర్వాసితుల ధ్రువీకరణ పత్రాల పరిశీలనకు మరో అవకాశం

మార్కాపురం: పూల సుబ్బయ్య వెలుగొండ ప్రాజెక్టు ముంపు గ్రామాల నిర్వాసితుల ధ్రువీకరణ పత్రాల పరిశీలనకు మరో అవకాశం కల్పించనున్నట్లు జిల్లా కలెక్టర్ విజయ సునీత తెలిపారు.

ఈ నెల 9, 10 తేదీల్లో గెజిట్‌లో పేర్లు నమోదు కాని నిర్వాసితులు, నూతన గృహ నిర్మాణాలు చేపట్టిన నిర్వాసిత కుటుంబాలకు సంబంధించిన ధ్రువీకరణ పత్రాలను పరిశీలించనున్నట్లు కలెక్టర్ పేర్కొన్నారు. ఇందుకోసం మార్కాపురం మార్కెట్ యార్డులో ప్రత్యేక కౌంటర్ ఏర్పాటు చేసినట్లు తెలిపారు.

గెజిట్‌లో పేర్లు నమోదు కాకపోయిన నిర్వాసితులు, నూతన గృహ నిర్మాణాలు చేపట్టిన నిర్వాసిత కుటుంబాలు తమకు సంబంధించిన ధ్రువీకరణ పత్రాలతో నిర్ణీత తేదీల్లో ప్రత్యేక కౌంటర్‌ను సంప్రదించాలని కలెక్టర్ సూచించారు. సంబంధిత అధికారులు పత్రాలను పరిశీలించి అర్హతకు సంబంధించిన వివరాలను నమోదు చేయనున్నట్లు తెలిపారు.