BREAKING
thumb ● కుట్టు మిషన్లు, సంఘ భవనం మంజూరు చేయాలని ఎమ్మెల్యే భూపతిరెడ్డికి మేరు సంఘం వినతి thumb ● భక్తులకు ఆలయ కమిటీ కీలక ప్రకటన.. 28, 29 తేదీల్లోనూ పోలు ధారాలు, భాషింగాలు పంపిణీ thumb ● మహిళపై పెట్రోల్ పోసి నిప్పంటించిన వ్యక్తి.. చికిత్స పొందుతూ మృతి thumb ● విద్యార్థుల ప్రతిభకు చెకుముకి సైన్స్ టాలెంట్ టెస్ట్ వేదిక thumb ● గ్రామపంచాయతీ అవినీతి ఆరోపణల విచారణ నివేదిక ఎప్పుడు? thumb ● విజ్‌డమ్ హైస్కూల్‌లో ఘనంగా స్వయం పరిపాలన దినోత్సవం thumb ● ఖానాపూర్ మండలంలో ఇందిరమ్మ కుటుంబ జీవిత బీమా దరఖాస్తుల స్వీకరణ ప్రారంభం thumb ● ఇందిరమ్మ కుటుంబ జీవిత బీమా పథకం ప్రారంభం.. thumb ● ముదిరాజ్‌లను బీసీ ‘డీ’ నుంచి ‘ఏ’ కేటగిరీలోకి మార్చాలి thumb ● గార్ల ఆర్యవైశ్య సంఘం నూతన అధ్యక్షుడిగా కనకశేఖరం, కార్యదర్శిగా శ్రీనివాసరావు ఎన్నిక thumb ● కుట్టు మిషన్లు, సంఘ భవనం మంజూరు చేయాలని ఎమ్మెల్యే భూపతిరెడ్డికి మేరు సంఘం వినతి thumb ● భక్తులకు ఆలయ కమిటీ కీలక ప్రకటన.. 28, 29 తేదీల్లోనూ పోలు ధారాలు, భాషింగాలు పంపిణీ thumb ● మహిళపై పెట్రోల్ పోసి నిప్పంటించిన వ్యక్తి.. చికిత్స పొందుతూ మృతి thumb ● విద్యార్థుల ప్రతిభకు చెకుముకి సైన్స్ టాలెంట్ టెస్ట్ వేదిక thumb ● గ్రామపంచాయతీ అవినీతి ఆరోపణల విచారణ నివేదిక ఎప్పుడు? thumb ● విజ్‌డమ్ హైస్కూల్‌లో ఘనంగా స్వయం పరిపాలన దినోత్సవం thumb ● ఖానాపూర్ మండలంలో ఇందిరమ్మ కుటుంబ జీవిత బీమా దరఖాస్తుల స్వీకరణ ప్రారంభం thumb ● ఇందిరమ్మ కుటుంబ జీవిత బీమా పథకం ప్రారంభం.. thumb ● ముదిరాజ్‌లను బీసీ ‘డీ’ నుంచి ‘ఏ’ కేటగిరీలోకి మార్చాలి thumb ● గార్ల ఆర్యవైశ్య సంఘం నూతన అధ్యక్షుడిగా కనకశేఖరం, కార్యదర్శిగా శ్రీనివాసరావు ఎన్నిక
Test 4
Date of Publish : 22 November 2026, 02:39 am
Posted by : K MAHESH

ఇందిరమ్మ కుటుంబ జీవిత బీమా పథకం ప్రారంభం..

తెలంగాణ
/ మహబూబాబాద్
Reporter
K Mahesh Munugodu Constituency
22 Nov, 2026 - 02:39 AM
21 వీక్షణలు

గురుకుల విద్యార్థులతో ముచ్చటించిన అదనపు కలెక్టర్

ప్రతి కుటుంబానికి ఆర్థిక భరోసా కల్పించడమే ప్రభుత్వ లక్ష్యం: ఎమ్మెల్యే దొంతి మాధవరెడ్డి

క్రమశిక్షణ, పట్టుదలతో ఉన్నత లక్ష్యాలను సాధించాలి: అదనపు కలెక్టర్ ఎల్. కిషోర్ కుమార్

నర్సంపేట :

ఆపద సమయంలో బాధిత కుటుంబాలకు ఆర్థిక భరోసా కల్పించి అండగా నిలవడమే ఇందిరమ్మ కుటుంబ జీవిత బీమా పథకం ప్రధాన లక్ష్యమని నర్సంపేట ఎమ్మెల్యే దొంతి మాధవరెడ్డి అన్నారు. శనివారం నర్సంపేట మండలం రామారం గ్రామంలో జిల్లా కలెక్టర్ డాక్టర్ సత్య శారదతో కలిసి ఆయన ఇందిరమ్మ కుటుంబ జీవిత బీమా పథకాన్ని ప్రారంభించారు.

ఈ సందర్భంగా ఎమ్మెల్యే మాట్లాడుతూ కుటుంబానికి ప్రధాన ఆదాయ వనరుగా ఉన్న వ్యక్తికి అనుకోని ఆపద ఎదురైనప్పుడు ఆ కుటుంబం ఆర్థికంగా ఇబ్బందులకు గురికాకుండా ఈ పథకం రక్షణ కల్పిస్తుందని తెలిపారు. ప్రతి కుటుంబానికి భరోసా కల్పించే లక్ష్యంతో ప్రభుత్వం ఈ పథకాన్ని అమలు చేస్తోందని పేర్కొన్నారు. అర్హులైన ప్రతి కుటుంబం పథకాన్ని సద్వినియోగం చేసుకోవాలని సూచించారు.

అర్హులైన ప్రతి కుటుంబం నమోదు చేసుకోవాలి

జిల్లా కలెక్టర్ డాక్టర్ సత్య శారద మాట్లాడుతూ జిల్లాలోని ప్రతి గ్రామ పంచాయతీ, పట్టణ వార్డుల్లో నమోదు కేంద్రాలు ఏర్పాటు చేసి అర్హులైన ప్రతి కుటుంబానికి పథకం అందేలా చర్యలు తీసుకోవాలని అధికారులను ఆదేశించారు. నమోదు ప్రక్రియలో ఎలాంటి ఇబ్బందులు తలెత్తకుండా చూడాలని, ముఖ్యంగా వృద్ధులు, దివ్యాంగులకు ప్రత్యేక సహాయం అందించాలని సూచించారు.

ఈ పథకానికి ప్రతి కుటుంబం నుంచి 18 నుంచి 59 సంవత్సరాల వయస్సు కలిగిన ఒక సంపాదించే వ్యక్తి అర్హులని తెలిపారు. నవంబర్ 19 నుంచి డిసెంబర్ 18 వరకు నమోదు ప్రక్రియ కొనసాగుతుందని పేర్కొన్నారు. నమోదు సమయంలో ఆధార్ కార్డు, రేషన్ కార్డు, మొబైల్ నంబర్‌తో పాటు నామినీ వివరాలను ఖచ్చితంగా నమోదు చేయాలని సూచించారు.

ఈ కార్యక్రమంలో డీపీఓ కల్పన, జడ్పీ సీఈఓ వసంత, ఆర్డీఓ ఉమారాణి, ఎంపీడీఓ శ్రీనివాస్, స్థానిక ప్రజాప్రతినిధులు తదితరులు పాల్గొన్నారు.

గురుకుల విద్యార్థుల్లో స్ఫూర్తి నింపిన అదనపు కలెక్టర్

జిల్లా కలెక్టర్ డాక్టర్ సత్య శారద ఆదేశాల మేరకు జిల్లాలోని సంక్షేమ గురుకుల విద్యాసంస్థల్లో శనివారం నిర్వహించిన 'స్ఫూర్తి' కార్యక్రమంలో భాగంగా అదనపు కలెక్టర్ (రెవెన్యూ) ఎల్. కిషోర్ కుమార్ నర్సంపేటలోని గిరిజన సంక్షేమ బాలుర గురుకుల పాఠశాల, కళాశాలను సందర్శించారు.

ఈ సందర్భంగా విద్యార్థులతో ఆయన ముచ్చటించి వారి విద్యాభ్యాసం, భవిష్యత్తు లక్ష్యాల గురించి తెలుసుకున్నారు. ఉన్నత విద్య, కెరీర్ అవకాశాలపై అవగాహన కల్పించారు. విద్యార్థులు క్రమశిక్షణ, పట్టుదలతో చదువుతూ ఉన్నత లక్ష్యాలను నిర్దేశించుకుని జీవితంలో ఉన్నత శిఖరాలను అధిరోహించాలని సూచించారు. నిరంతర కృషి, ఆత్మవిశ్వాసంతో అనుకున్న లక్ష్యాలను సాధించవచ్చని ప్రోత్సహించారు.

విద్యార్థులకు నాణ్యమైన భోజనం అందించాలి

అనంతరం గురుకుల పాఠశాలలో విద్యార్థుల కోసం వండిన భోజనం, పౌష్టికాహార నాణ్యతను అదనపు కలెక్టర్ పరిశీలించారు. విద్యార్థులతో కలిసి సహపంక్తి భోజనం చేశారు. విద్యార్థుల విద్యాభివృద్ధితో పాటు వారి ఆరోగ్యానికి కూడా ప్రాధాన్యత ఇవ్వాలని, నాణ్యమైన పౌష్టికాహారం అందేలా అధికారులు చర్యలు తీసుకోవాలని ఆదేశించారు.

విద్యార్థులకు మెరుగైన విద్యా వాతావరణం కల్పించడంతో పాటు వారి ఆరోగ్యం, సంక్షేమం విషయంలో ప్రత్యేక శ్రద్ధ చూపాలని సూచించారు.