దిల్‌సుఖ్‌నగర్ సంతోషిమాత ఆలయంలో దుండగుడి దాడి

హైదరాబాద్: దిల్‌సుఖ్‌నగర్ బస్ డిపో సమీపంలోని సంతోషిమాత దేవాలయంలోకి గుర్తుతెలియని వ్యక్తి చొరబడి పూజారిపై దాడికి పాల్పడ్డాడు. అనంతరం అమ్మవారి విగ్రహాన్ని కర్రతో కొట్టినట్లు సమాచారం.

దుండగుడి చర్యలను గమనించిన భక్తులు అతడిని పట్టుకుని పోలీసులకు సమాచారం అందించారు. సమాచారం అందుకున్న పోలీసులు ఘటనాస్థలికి చేరుకుని నిందితుడిని అదుపులోకి తీసుకున్నట్లు తెలుస్తోంది.

ఈ ఘటనపై పోలీసులు వివరాలు సేకరిస్తూ దాడికి గల కారణాలపై విచారణ చేపట్టారు. ఘటనకు సంబంధించిన పూర్తి వివరాలు తెలియాల్సి ఉంది.