బొత్స అనూషకు హృదయపూర్వక జన్మదిన శుభాకాంక్షలు
బొత్స అనూషకు హృదయపూర్వక జన్మదిన శుభాకాంక్షలు
విజయనగరం: వైఎస్సార్ కాంగ్రెస్ పార్టీ సీనియర్ నాయకులు బొత్స సత్యనారాయణ (సత్యబాబు) గారి కుమార్తె బొత్స అనూష గారి జన్మదిన వేడుకలు ఘనంగా జరిగాయి. ఈ సందర్భంగా విజయనగరం నియోజకవర్గ వైఎస్సార్సీపీ నాయకులు, యువజన విభాగం ప్రతినిధులు ఆమెను కలిసి హృదయపూర్వక జన్మదిన శుభాకాంక్షలు తెలిపారు.
వైఎస్సార్సీపీ రాష్ట్ర మహిళా ప్రధాన కార్యదర్శి, మాజీ డిప్యూటీ మేయర్ కోలగట్ల శ్రావణి గారు, యువజన, విద్యార్థి విభాగాల ఇన్చార్జ్ ఈశ్వర్ కౌశిక్ గారు బొత్స అనూష గారిని ప్రత్యక్షంగా కలిసి పుష్పగుచ్ఛం అందించి జన్మదిన శుభాకాంక్షలు తెలియజేశారు. ఈ సందర్భంగా అనూష గారి సోదరుడు సైతం వారి వెంట ఉండి ఈ ఆత్మీయ కార్యక్రమంలో పాల్గొన్నారు.
పలువురు నియోజకవర్గ ముఖ్య నాయకులు, యువజన కమిటీ ప్రతినిధులు హాజరై అనూష గారికి శుభాకాంక్షలు తెలిపారు. ఆత్మీయ వాతావరణంలో జరిగిన ఈ కార్యక్రమంలో ఆమెకు పుష్పగుచ్ఛాలు అందించి తమ అభిమానాన్ని చాటుకున్నారు.
బొత్స అనూష గారు నిండు నూరేళ్లు ఆయురారోగ్యాలతో, సుఖసంతోషాలతో జీవిస్తూ భవిష్యత్తులో మరింత ఉన్నత స్థాయికి ఎదగాలని కోలగట్ల శ్రావణి గారు, ఈశ్వర్ కౌశిక్ గారు ఆకాంక్షించారు.
