ఆదివారం కూడా విద్యుత్ బిల్లులు చెల్లించుకోవచ్చు

ప్రకాశం జిల్లా, Ntoday News: ప్రకాశం జిల్లా పరిధిలో ఆదివారం సెలవు రోజైనా విద్యుత్ బిల్లులు చెల్లించుకునే అవకాశం ఉంటుందని ఎస్సీ కట్ట వెంకటేశ్వర్లు తెలిపారు.

సర్కిల్ పరిధిలో విద్యుత్ బిల్లులు స్వీకరించే అన్ని కౌంటర్లు ఆదివారం కూడా అందుబాటులో ఉంటాయని ఆయన పేర్కొన్నారు. వినియోగదారులు ఈ అవకాశాన్ని సద్వినియోగం చేసుకుని తమ విద్యుత్ బిల్లులను సకాలంలో చెల్లించాలని సూచించారు.

అలాగే ఫోన్‌పే, గూగుల్‌పే తదితర డిజిటల్ చెల్లింపు మార్గాల ద్వారా కూడా విద్యుత్ బిల్లులను చెల్లించవచ్చని తెలిపారు. వినియోగదారులు నగదు చెల్లింపులతో పాటు అందుబాటులో ఉన్న డిజిటల్ చెల్లింపు సౌకర్యాలను వినియోగించుకోవాలని సూచించారు.