ఐఎంఏ అధ్యక్షుడు డాక్టర్ ఈడెల్లి బలరాంకు ఘన సన్మానం

2026–27 సంవత్సరానికి ఏకగ్రీవంగా ఎన్నికైన సందర్భంగా సామాజిక కార్యకర్తల అభినందనలు

వలిగొండ, నవంబర్ 10 (ఎన్ టుడే న్యూస్):

యాదాద్రి భువనగిరి జిల్లా ఇండియన్ మెడికల్ అసోసియేషన్ (ఐఎంఏ) అధ్యక్షుడిగా 2026–27 సంవత్సరానికి ఏకగ్రీవంగా ఎన్నికైన డాక్టర్ ఈడెల్లి బలరాంను సామాజిక కార్యకర్తలు ఘనంగా సన్మానించారు. మంగళవారం భువనగిరిలో ఆయనను మర్యాదపూర్వకంగా కలిసి పూలమాలలు, శాలువాలతో సత్కరించి అభినందనలు తెలిపారు.

గత నెలలో జరిగిన ఎన్నికల్లో డాక్టర్ ఈడెల్లి బలరాం జిల్లా ఐఎంఏ అధ్యక్షుడిగా ఏకగ్రీవంగా ఎన్నికయ్యారు. ఈ సందర్భంగా ఆయనకు శుభాకాంక్షలు తెలియజేసేందుకు సామాజిక కార్యకర్తలు భువనగిరిలోని అనురాధ నర్సింగ్ హోమ్‌ను సందర్శించారు. అక్కడ డాక్టర్ బలరాంతో పాటు అనురాధ నర్సింగ్ హోమ్‌కు చెందిన డాక్టర్ అనురాధను కూడా పూలమాలలు, శాలువాలతో ఘనంగా సన్మానించారు.

ఈ సందర్భంగా నూతనంగా బాధ్యతలు చేపట్టనున్న డాక్టర్ బలరాంకు పలువురు అభినందనలు తెలియజేశారు. ఐఎంఏ జిల్లా అధ్యక్షుడిగా ఆయన ఎన్నిక కావడం పట్ల హర్షం వ్యక్తం చేశారు.

ఈ కార్యక్రమంలో ఎంఆర్‌పీఎస్ రాష్ట్ర నాయకులు చిలుకమారి గణేష్ మాదిగ, దళిత నాయకులు పెరుమాళ్ల స్వామి, సామాజిక కార్యకర్త కొడారి వెంకటేష్, సీనియర్ జర్నలిస్ట్ పాక జహంగీర్ యాదవ్, దళిత నాయకులు సురుపంగ సుభాష్, కిషన్ తదితరులు పాల్గొన్నారు.