మొక్కలు నాటుదాం.. పర్యావరణాన్ని కాపాడుదాం

చిట్యాల , ఎన్ టుడే న్యూస్

ద మిషన్ ఫౌండేషన్ 11 వసంతాలు పూర్తి చేసుకుని 12వ వసంతంలోకి అడుగుపెడుతున్న సందర్భంగా పర్యావరణ పరిరక్షణలో భాగంగా వట్టిమర్తి గ్రామంలో మొక్కలు నాటే కార్యక్రమం నిర్వహించారు. ఫౌండేషన్ వ్యవస్థాపకులు, ఎక్సైజ్ సీఐ కొట్టే ఏడుకొండలు పిలుపు మేరకు ఫౌండేషన్ విద్యార్థి అంజనపల్లి శివసాయి ఆధ్వర్యంలో స్థానిక అంబేద్కర్ నిలయం వద్ద మొక్కలు నాటారు. ఈ సందర్భంగా పర్యావరణ పరిరక్షణకు ప్రతి ఒక్కరూ మొక్కలు నాటి వాటిని సంరక్షించాలని పిలుపునిచ్చారు. ఈ కార్యక్రమంలో గ్రామ సర్పంచ్, పాలకవర్గ సభ్యులు, యువజన సంఘాల ప్రతినిధులు తదితరులు పాల్గొన్నారు.