బల్గేరియాలో ఘోర రోడ్డు ప్రమాదం..

పొగమంచుతో 70కి పైగా వాహనాలు ఢీ.. 11 మంది మృతి

బల్గేరియాలో దట్టమైన పొగమంచు కారణంగా ఘోర రోడ్డు ప్రమాదం చోటుచేసుకుంది. అక్కడి ట్రాకియా జాతీయ రహదారిపై 70కి పైగా వాహనాలు ఒకదానికొకటి ఢీకొన్నాయి. ఈ ప్రమాదంలో ట్రక్కులు, బస్సులు, కార్లు సహా భారీ సంఖ్యలో వాహనాలు ధ్వంసమయ్యాయి. ఢీకొన్న వాహనాల్లో కొన్ని మంటలు చెలరేగి పూర్తిగా దగ్ధమయ్యాయి. ఈ ఘోర ప్రమాదంలో 11 మంది ప్రాణాలు కోల్పోగా, పలువురు గాయపడినట్లు సమాచారం. ప్రమాద తీవ్రతకు వాహనాల అద్దాలు పగలగొట్టుకొని కొందరు బయటకు వచ్చి ప్రాణాలు కాపాడుకున్నారు. దట్టమైన పొగమంచు కారణంగా ఎదురుగా వస్తున్న వాహనాలు కనిపించకపోవడమే వరుస ప్రమాదాలకు కారణమని పోలీసులు ప్రాథమికంగా వెల్లడించారు. ఈ ప్రమాదానికి సంబంధించిన దృశ్యాలు ప్రస్తుతం సామాజిక మాధ్యమాల్లో వైరల్‌గా మారాయి.