అమెరికాలో హిందువుల దీపావళి వేడుకల్లో గందరగోళం

సియాటిల్ సెంటర్ ఆర్మరీలోకి ప్రవేశించిన ఇద్దరు కన్జర్వేటివ్ యాక్టివిస్టులు

సియాటిల్ (ఎన్ టుడే న్యూస్): అమెరికాలోని సియాటిల్ సెంటర్ ఆర్మరీలో నిర్వహిస్తున్న హిందువుల దీపావళి వేడుకల్లో ఇద్దరు కన్జర్వేటివ్ యాక్టివిస్టులు చొరబడి గందరగోళం సృష్టించినట్లు సమాచారం. జేక్ లాంగ్, థామస్ అలెన్ అనే ఇద్దరు వ్యక్తులు భారతీయులను దేశం నుంచి పంపించాలంటూ అవమానకరమైన వ్యాఖ్యలతో కూడిన ప్లకార్డులు ప్రదర్శించారు. క్రైస్తవుల స్థానంలో హిందువులు రావడాన్ని అడ్డుకోవాలంటూ మరో ప్లకార్డును కూడా ప్రదర్శించినట్లు సమాచారం.

అమెరికా సంస్కృతిని తప్పుడు దేవుళ్లను పూజించేవారు, హెచ్‌-1బీ వీసా మోసగాళ్లు ముంచెత్తుతున్నారనే ఆందోళనతోనే తాము ఈ నిరసన చేపట్టినట్లు వారు వెల్లడించినట్లు సమాచారం.

ఈ వారాంతంలో నగరంలోని మరికొన్ని ప్రాంతాల్లోనూ నిరసనలు చేపడతామని వారు ప్రకటించారు. యాంటిఫా ప్రతీకార చర్యల భయంతో తదుపరి కార్యక్రమాలకు సంబంధించిన వివరాలను వెల్లడించబోమని పేర్కొన్నట్లు సమాచారం.

దీపావళి వేడుకల సందర్భంగా చోటుచేసుకున్న ఈ ఘటనపై పూర్తి వివరాలు తెలియాల్సి ఉంది.