హుస్నాబాద్‌లో ఘనంగా దీపావళి వేడుకలు

కరీంనగర్ కోఆపరేటివ్ సొసైటీ కార్యాలయంలో మహాలక్ష్మి అమ్మవారికి ప్రత్యేక పూజలు

హుస్నాబాద్ (ఎన్ టుడే న్యూస్): హుస్నాబాద్‌లోని ది కరీంనగర్ కోఆపరేటివ్ సొసైటీ లిమిటెడ్ కార్యాలయంలో దీపావళి పండుగ వేడుకలను ఘనంగా నిర్వహించారు. దీపావళి పర్వదినాన్ని పురస్కరించుకుని మహాలక్ష్మి అమ్మవారికి ప్రత్యేక పూజలు నిర్వహించారు.

ఈ సందర్భంగా రాష్ట్ర ప్రజలందరికీ దీపావళి శుభాకాంక్షలు తెలియజేశారు. ప్రజలందరికీ పండుగ సంతోషం, శ్రేయస్సు కలగాలని ఆకాంక్షించారు.

ఈ కార్యక్రమంలో హుస్నాబాద్ మున్సిపల్ చైర్‌పర్సన్ దండి లక్ష్మి, వైస్ చైర్‌పర్సన్ చిత్తరి పద్మ, సింగిల్ విండో చైర్మన్ శివయ్య, కౌన్సిలర్లు, కాంగ్రెస్ పార్టీ ముఖ్య నాయకులు తదితరులు పాల్గొన్నారు.