రాజ్యాధికార పాదయాత్రకు విశేష స్పందన

యాదాద్రి భువనగిరి జిల్లా, రామన్నపేట, నవంబర్ 10:

తెలంగాణలో బీసీ, ఎస్సీ, ఎస్టీ, మైనారిటీ వర్గాలకు రాజ్యాధికారంలో తగిన వాటా కల్పించాలనే లక్ష్యంతో తెలంగాణ రాజ్యాధికార పార్టీ చేపట్టిన పాదయాత్రకు ప్రజల నుంచి విశేష స్పందన లభిస్తోంది. పార్టీ వ్యవస్థాపక అధ్యక్షుడు, ఎమ్మెల్సీ తీన్మార్ మల్లన్న నాయకత్వంలో కొనసాగుతున్న ఈ పాదయాత్ర ప్రజల్లో చర్చనీయాంశంగా మారుతోంది.

ఈ పాదయాత్రకు సంఘీభావం తెలుపుతూ వలిగొండ నుంచి యాదగిరిగుట్ట వరకు సాగిన పాదయాత్రలో తెలంగాణ రాజ్యాధికార పార్టీ రామన్నపేట మండల అధ్యక్షుడు కల్లెం ఉపేందర్ తన బృందంతో కలిసి పాల్గొన్నారు. బడుగు, బలహీన వర్గాలకు రాజకీయంగా సముచిత ప్రాధాన్యం కల్పించాలనే డిమాండ్‌కు మద్దతుగా నాయకులు, కార్యకర్తలు పాదయాత్రలో భాగస్వాములయ్యారు.

ఈ సందర్భంగా కల్లెం ఉపేందర్ మాట్లాడుతూ.. బీసీ, ఎస్సీ, ఎస్టీ, మైనారిటీ వర్గాలకు రాజ్యాధికారంలో తగిన వాటా దక్కే వరకు తమ పోరాటం కొనసాగుతుందని స్పష్టం చేశారు. తీన్మార్ మల్లన్న నాయకత్వంలో తెలంగాణలో బడుగు, బలహీన వర్గాల రాజ్యాన్ని స్థాపించడమే తమ ప్రధాన లక్ష్యమని పేర్కొన్నారు. సామాజిక న్యాయం, రాజకీయ ప్రాతినిధ్యం కోసం చేపట్టిన ఈ ఉద్యమానికి అన్ని వర్గాల ప్రజలు మద్దతుగా నిలవాలని ఆయన పిలుపునిచ్చారు.

ఈ కార్యక్రమంలో తెలంగాణ రాజ్యాధికార పార్టీ నాయకులు, కార్యకర్తలు, యువజన నాయకులు పెద్ద సంఖ్యలో పాల్గొని పాదయాత్రకు సంఘీభావం తెలిపారు.