కుందూ నదిలో గేదెలు మృతి..

రైతుకు నష్టపరిహారం అందేలా చర్యలు

నంద్యాల జిల్లా, దొర్నిపాడు: మండలంలోని కృష్ణపాడు గ్రామ పరిధిలో విషాద ఘటన చోటుచేసుకుంది. కుందూ నదిలోని గుర్రపు డెక్క చెట్లలో చిక్కుకుని రైతు మడ్డి సుబ్బారావుకు చెందిన నాలుగు గేదెలు మృతి చెందాయి.

గేదెలు మృతి చెందిన విషయాన్ని తెలుసుకున్న పశువైద్య సిబ్బంది ఘటనాస్థలికి చేరుకున్నారు. మృతి చెందిన గేదెలకు పోస్టుమార్టం నిర్వహించారు.

ఈ ఘటనతో రైతు తీవ్రంగా నష్టపోయినట్లు తెలిపారు. నిబంధనల ప్రకారం బాధిత రైతుకు నష్టపరిహారం అందేలా చర్యలు తీసుకుంటామని పశువైద్య అధికారులు తెలిపారు.