శంషాబాద్ ఎయిర్‌పోర్ట్ రోడ్డుపై కారులో మంటలు
తెలంగాణ
/
హైదరాబాద్
Seetha Kiran Kumar
హన్మకొండ మండలం
- నిమిషాల వ్యవధిలో పూర్తిగా దగ్ధమైన టాటా కారు
- అప్రమత్తమై బయటకు పరుగులు తీసిన డ్రైవర్.. తప్పిన పెను ప్రమాదం
శంషాబాద్, అక్టోబర్ 30 (ఎన్ టుడే న్యూస్):
శంషాబాద్ ఎయిర్‌పోర్ట్ ప్రధాన రహదారిపై వెళ్తున్న టాటా కారులో ఒక్కసారిగా మంటలు చెలరేగాయి. కారులో మంటలు రావడాన్ని గమనించిన డ్రైవర్ వెంటనే అప్రమత్తమై వాహనాన్ని రహదారి పక్కకు నిలిపి బయటకు పరుగులు తీశాడు.
కొద్ది నిమిషాల్లోనే మంటలు కారంతటా వ్యాపించడంతో వాహనం పూర్తిగా దగ్ధమైంది. అయితే ప్రమాద సమయంలో కారులో ఎవరూ లేకపోవడంతో ప్రాణనష్టం తప్పింది.
ఘటనా స్థలానికి చేరుకున్న అధికారులు
అగ్నిప్రమాదంపై సమాచారం అందుకున్న అధికారులు ఘటనా స్థలానికి చేరుకుని మంటలను అదుపులోకి తీసుకొచ్చారు. కారు దగ్ధం కావడానికి గల కారణాలపై పోలీసులు దర్యాప్తు చేపట్టారు. ఈ ఘటనతో ఎయిర్‌పోర్ట్ ప్రధాన రహదారిపై కొద్దిసేపు కలకలం నెలకొంది.
