నాగార్జునసాగర్ పర్యాటక రంగంపై ఎల్‌నినో ప్రభావం

నాగార్జునసాగర్ పర్యాటక రంగంపై ఎల్‌నినో ప్రభావం

గతేడాది రూ.11 లక్షల ఆదాయం.. ఈసారి రూ.6 లక్షలకే పరిమితం

 నల్గొండ:నాగార్జునసాగర్: అక్టోబర్ 30

ఎల్‌నినో ప్రభావం పర్యాటక రంగంపై తీవ్ర ప్రభావం చూపుతోంది. కృష్ణా బేసిన్‌లో ఆశించిన స్థాయిలో వర్షాలు కురవకపోవడంతో నాగార్జునసాగర్ జలాశయంలో నీటిమట్టం తగ్గిపోయింది. మరోవైపు ఎండ తీవ్రత పెరగడంతో నాగార్జునకొండ సందర్శనకు పర్యాటకులు ఆసక్తి చూపడం లేదు.

దసరా సెలవుల్లో సాధారణంగా పర్యాటకులతో కళకళలాడే నాగార్జునసాగర్ లాంచ్‌స్టేషన్ ఈసారి సందడి లేక వెలవెలబోయింది. పర్యాటకుల సంఖ్య గణనీయంగా తగ్గడంతో లాంచ్‌స్టేషన్ ఆదాయంపై ప్రభావం పడింది. గత ఏడాది దసరా సెలవుల్లో రూ.11 లక్షల ఆదాయం రాగా, ఈ ఏడాది కేవలం రూ.6 లక్షల ఆదాయానికే పరిమితమైంది. దీంతో పర్యాటక రంగంపై వాతావరణ పరిస్థితుల ప్రభావం స్పష్టంగా కనిపిస్తోంది.