నర్సంపేట ఖజానా శాఖలో కలెక్టర్‌ చర్యలు
లంచం డిమాండ్‌, ఉద్యోగుల వేధింపులపై ఫిర్యాదులు.. ఇద్దరు ఉద్యోగులపై చర్యలు
వరంగల్, నవంబర్ 05 (ఎన్ టుడే న్యూస్): వరంగల్ జిల్లా నర్సంపేట ఖజానా శాఖలో లంచం డిమాండ్‌, ఉద్యోగుల వేధింపులకు సంబంధించిన ఫిర్యాదులు రావడంతో జిల్లా కలెక్టర్‌ సత్యశారద చర్యలు తీసుకున్నారు. ఇద్దరు ఉద్యోగులపై ఆరోపణలు రావడంతో చంద్రకళను సరెండర్‌ చేయాలని, అలేఖ్యను బదిలీ చేయాలని ఆదేశించినట్లు సమాచారం.
వరుస ఫిర్యాదుల నేపథ్యంలో నిర్ణయం
ఖజానా శాఖలో కొంతకాలంగా ఉద్యోగుల నుంచి ఫిర్యాదులు, వివాదాలు వెలుగులోకి వస్తున్నట్లు తెలుస్తోంది. లంచం డిమాండ్‌ చేయడం, ఉద్యోగులను వేధించడం వంటి ఆరోపణల నేపథ్యంలో కలెక్టర్‌ ఈ చర్యలు తీసుకున్నట్లు సమాచారం.
మరిన్ని చర్యలు ఉంటాయా?
ప్రస్తుతం ఇద్దరు ఉద్యోగులపై తీసుకున్న చర్యలు చర్చనీయాంశంగా మారాయి. శాఖలో వచ్చిన అవినీతి ఆరోపణలపై మరింత విచారణ చేపట్టి ఇతరులపై కూడా చర్యలు తీసుకుంటారా అన్నది ఆసక్తికరంగా మారింది. ఈ వ్యవహారంపై అధికారికంగా మరిన్ని వివరాలు వెల్లడికావాల్సి ఉంది.
