మార్కాపురం జిల్లా అభివృద్ధికి సమగ్ర ప్రతిపాదనలు రూపొందించాలి

మార్కాపురం: అమరావతి ఎకనామిక్ రీజియన్ (AER) ప్రణాళికలో భాగంగా మార్కాపురం జిల్లాకు సంబంధించి సమగ్ర అభివృద్ధి ప్రతిపాదనలు రూపొందించాలని కలెక్టర్ విజయ సునీత అధికారులను ఆదేశించారు.

శనివారం కలెక్టరేట్‌లో నిర్వహించిన జిల్లా స్థాయి ఏఈఆర్ వర్క్‌షాప్‌లో కలెక్టర్ పాల్గొన్నారు. ఈ సందర్భంగా జిల్లాలోని అభివృద్ధి అవకాశాలు, మౌలిక వసతులు, భవిష్యత్తు అవసరాలపై వివిధ శాఖల అధికారులతో చర్చించారు.

జిల్లా సమగ్ర అభివృద్ధికి అవసరమైన అంశాలను గుర్తించి, భవిష్యత్తు అవసరాలకు అనుగుణంగా ప్రతిపాదనలు రూపొందించాలని అధికారులకు సూచించారు. వివిధ శాఖల సమన్వయంతో అభివృద్ధి ప్రణాళికలను సిద్ధం చేయాలని కలెక్టర్ ఆదేశించారు.