గంపలగూడెంలో సీపీఎం ఎన్నికల ప్రచార జోరు

జెడ్పీటీసీ అభ్యర్థి మద్దిరెడ్డి అమ్మాజీ విస్తృత ప్రచారం.

గ్రామగ్రామాన ఓటర్లను కలుస్తూ మద్దతు అభ్యర్థన గంపలగూడెం: ఎన్టీఆర్ జిల్లా గంపలగూడెం మండలంలో జెడ్పీటీసీ ఎన్నికల ప్రచారం ఊపందుకుంది. సీపీఎం జెడ్పీటీసీ అభ్యర్థి మద్దిరెడ్డి అమ్మాజీ నామినేషన్ దాఖలు చేసిన అనంతరం ప్రచార కార్యక్రమాలను విస్తృతం చేశారు. మండలంలోని తోటమూల గ్రామం నుంచి ఆర్లపాడు వరకు గ్రామగ్రామాన పర్యటిస్తూ ఓటర్లను కలుస్తున్నారు. ఇంటింటికీ వెళ్లి ప్రజలతో మాట్లాడి తనకు మద్దతు తెలిపి జెడ్పీటీసీగా గెలిపించాలని కోరుతున్నారు. ఈ ప్రచార కార్యక్రమాల్లో సీపీఎం నాయకులు, కార్యకర్తలు ఉత్సాహంగా పాల్గొంటూ అభ్యర్థికి మద్దతుగా ప్రచారం నిర్వహిస్తున్నారు. తోటమూల నుంచి ఆర్లపాడు వరకు సాగుతున్న ప్రచార యాత్రతో గంపలగూడెం మండలంలో ఎన్నికల సందడి నెలకొంది.