Palnadu : మురసు తుఫాన్‌ ప్రభావం.. పల్నాడు జిల్లాలో రేపు పాఠశాలలకు సెలవు
నవంబర్ 3న ప్రభుత్వ, ప్రైవేట్ పాఠశాలలకు కాంపెన్సేటరీ హాలిడే ప్రకటించిన విద్యాశాఖ
పల్నాడు, నవంబర్ 2 (ఎన్ టుడే న్యూస్): మురసు తుఫాన్‌ ప్రభావాన్ని దృష్టిలో ఉంచుకుని పల్నాడు జిల్లాలోని అన్ని యాజమాన్యాల పాఠశాలలకు నవంబర్ 3వ తేదీ మంగళవారం సెలవు ప్రకటించారు. జిల్లా కలెక్టర్ ఆదేశాల మేరకు ప్రభుత్వ, ప్రైవేట్ పాఠశాలలకు కాంపెన్సేటరీ హాలిడే (Compensatory Holiday) ప్రకటించినట్లు జిల్లా విద్యాశాఖ అధికారి (DEO) వెల్లడించారు.
తల్లిదండ్రులకు సమాచారం అందించాలి
ఈ మేరకు జిల్లా విద్యాశాఖ అధికారులు డిప్యూటీ విద్యాశాఖ అధికారులు (DyEOలు), మండల విద్యాశాఖ అధికారులు (MEOలు), అన్ని పాఠశాలల ప్రధానోపాధ్యాయులు వెంటనే సెలవు సమాచారాన్ని విద్యార్థుల తల్లిదండ్రులకు తెలియజేయాలని ఆదేశించారు.
తుఫాన్‌ పరిస్థితుల నేపథ్యంలో విద్యార్థుల భద్రతను దృష్టిలో ఉంచుకుని ఈ నిర్ణయం తీసుకున్నట్లు ప్రకటనలో పేర్కొన్నారు.
