డోర్ టు డోర్ ప్రచారం 100 శాతం పూర్తి

డోర్ టు డోర్ ప్రచారం 100 శాతం పూర్తి

చింతలపూడి నియోజకవర్గ రిపోర్టర్ కుడిపుడి సత్తి బాబు 

చింతలపూడి: రెండేళ్ల కూటమి పాలనలో చేపట్టిన సంక్షేమ, అభివృద్ధి కార్యక్రమాలను ప్రజల్లోకి తీసుకెళ్లే కార్యక్రమంలో భాగంగా చింతలపూడి మండలంలో నిర్వహించిన ఇంటింటి ప్రచారాన్ని 100 శాతం పూర్తి చేశారు.

చింతలపూడి మండల తెలుగుదేశం పార్టీ అధ్యక్షులు చింతం విష్ణుమూర్తి ఆధ్వర్యంలో రాఘవపురం, ఊటసముద్రం గ్రామాల్లో నిర్వహించిన ఇంటింటి ప్రచారం విజయవంతంగా పూర్తయిన సందర్భంగా చింతలపూడి మండల ఉపాధ్యక్షులు గుంటుపల్లి తిరుపతిరావు, రాఘవపురం గ్రామ పార్టీ అధ్యక్షులు మాటూరి అనిల్‌ను శాసనసభ్యులు తమ శిబిర కార్యాలయంలో దుశ్శాలువతో సత్కరించి అభినందించారు.

ఈ సందర్భంగా శాసనసభ్యులు మాట్లాడుతూ.. కూటమి ప్రభుత్వం చేపడుతున్న సంక్షేమ, అభివృద్ధి కార్యక్రమాలను ప్రజల్లోకి తీసుకెళ్లడంలో పార్టీ నాయకులు, కార్యకర్తలు చేస్తున్న కృషి అభినందనీయమన్నారు. ప్రజా సంక్షేమం, అభివృద్ధి లక్ష్యంగా ప్రభుత్వం ముందుకు సాగుతోందని తెలిపారు.