విశాఖపట్నంలో నేడు ఉప ముఖ్యమంత్రి పవన్ కళ్యాణ్ పర్యటన

ముఖ్యమంత్రి చంద్రబాబుతో కలిసి 31వ సీఐఐ భాగస్వామ్య సదస్సులో పాల్గొననున్న పవన్ కళ్యాణ్ విశాఖపట్నం, నవంబర్ 12: ఆంధ్రప్రదేశ్ రాష్ట్ర ఉప ముఖ్యమంత్రి పవన్ కళ్యాణ్ గురువారం విశాఖపట్నంలో పర్యటించనున్నారు. ముఖ్యమంత్రి నారా చంద్రబాబు నాయుడుతో కలిసి 31వ సీఐఐ భాగస్వామ్య సదస్సు–2026లో పాల్గొననున్నారు. ఈ పర్యటనకు సంబంధించిన వివరాలు ఇలా ఉన్నాయి. ఉదయం 6.45 గంటలకు మంగళగిరిలోని క్యాంపు కార్యాలయం నుంచి విజయవాడ విమానాశ్రయానికి బయలుదేరుతారు. ఉదయం 7.30 గంటలకు విమానంలో విశాఖపట్నానికి ప్రయాణమై, 8.25 గంటలకు విమానాశ్రయానికి చేరుకుంటారు. అక్కడి నుంచి రోడ్డు మార్గంలో ఆంధ్ర విశ్వవిద్యాలయం మైదానానికి బయలుదేరి ఉదయం 9 గంటలకు చేరుకుంటారు. ఉదయం 9.30 గంటలకు ముఖ్యమంత్రి చంద్రబాబు నాయుడుతో కలిసి 31వ సీఐఐ భాగస్వామ్య సదస్సు–2026లో పాల్గొంటారు. కార్యక్రమంలో పాల్గొన్న అనంతరం మధ్యాహ్నం 12.30 గంటలకు ఆంధ్ర విశ్వవిద్యాలయం మైదానం నుంచి విశాఖ విమానాశ్రయానికి బయలుదేరుతారు. మధ్యాహ్నం 1.05 గంటలకు విమానంలో విజయవాడకు బయలుదేరి, 2 గంటలకు విమానాశ్రయానికి చేరుకుంటారు. అక్కడి నుంచి 2.05 గంటలకు మంగళగిరి క్యాంపు కార్యాలయానికి బయలుదేరి మధ్యాహ్నం 2.45 గంటలకు చేరుకుంటారు.