శ్రీశైలంలో భ్రమరాంబ మల్లికార్జున స్వామివారి దర్శనం

శ్రీశైలం, సెప్టెంబర్ 21: పవిత్ర శ్రీశైలం క్షేత్రంలో డా. వున్నం మల్లికార్జునరావు, పార్లమెంట్ సభ్యుడు లావు శ్రీకృష్ణదేవరాయలు, మహారాష్ట్ర పార్లమెంట్ సభ్యురాలు సుప్రియా సూలే కలిసి శ్రీ భ్రమరాంబ మల్లికార్జున స్వామివారిని భక్తిశ్రద్ధలతో దర్శించుకున్నారు. ఈ సందర్భంగా స్వామివారికి ప్రత్యేక పూజలు నిర్వహించి, వేద పండితుల ఆశీర్వచనాలు స్వీకరించారు. అనంతరం శ్రీ భ్రమరాంబ అమ్మవారి సన్నిధిలో ప్రత్యేక పూజలు నిర్వహించారు. పవిత్ర శ్రీశైలం క్షేత్రంలో స్వామి, అమ్మవార్ల దర్శనం ఆధ్యాత్మిక ఆనందం, మనశ్శాంతిని కలిగించిందని వారు పేర్కొన్నారు. శ్రీ భ్రమరాంబ మల్లికార్జున స్వామివారి ఆశీస్సులు ప్రజలందరిపై సదా ఉండాలని ఆకాంక్షించారు.