లోపూడి ఆర్‌సీఎం చర్చి నిర్మాణానికి రూ.లక్ష విరాళం

డివిజన్ రిపోర్టర్ అమెర్ల ధర్మా రావు 

లోపూడి గ్రామంలోని ఆర్‌సీఎం చర్చి నిర్మాణ పనులు నిధుల కొరతతో నిలిచిపోయిన విషయం రాష్ట్ర మంత్రి, నూజివీడు శాసనసభ్యులు కొలుసు పార్థసారథి దృష్టికి తీసుకెళ్లారు. స్పందించిన మంత్రి పార్థసారథి సూచనల మేరకు మండల పార్టీ అధ్యక్షుడు రఘు ఆధ్వర్యంలో లోపూడి తెలుగుదేశం పార్టీ నాయకులు, కార్యకర్తలు చర్చి నిర్మాణానికి రూ.లక్ష ఆర్థిక సహాయం అందించారు.

ఈ సందర్భంగా ఆర్‌సీఎం సంఘం ప్రతినిధులు, సంఘ పెద్దలు, సభ్యులు, యువత మంత్రి పార్థసారథికి, రఘుకు, గ్రామ తెలుగుదేశం పార్టీ నాయకులు, కార్యకర్తలకు కృతజ్ఞతలు తెలిపారు. చర్చి నిర్మాణానికి సహకారం అందించినందుకు అభినందనలు తెలియజేశారు.

ఆర్‌సీఎం సంఘం తరఫున ఉపదేశ మాస్టారు రాజు, కాంతారావు, సంఘ పెద్దలు, సంఘ సభ్యులు, యువత పాల్గొని కృతజ్ఞతలు తెలిపారు.