హైదరాబాద్‌లో మళ్లీ ఫ్లెక్సీ రాజకీయాలు..!

హైదరాబాద్: నగరంలో మరోసారి ఫ్లెక్సీల వ్యవహారం రాజకీయ చర్చకు దారితీసింది. ముఖ్యమంత్రి కుటుంబంపై బీఆర్ఎస్ నాయకులు ఆరోపణలు చేస్తున్న నేపథ్యంలో తాజాగా నగరంలోని గీతా హ్యుందాయ్ షోరూమ్ సమీపంలో ఏర్పాటు చేసిన ఫ్లెక్సీలు రాజకీయంగా ఆసక్తిని రేకెత్తిస్తున్నాయి.

“అర్థమైందా రాజా..?” అనే సందేశంతో ఈ ఫ్లెక్సీలను ఏర్పాటు చేశారు. అయితే వీటిని ఎవరు ఏర్పాటు చేశారనే విషయం స్పష్టంగా తెలియరాలేదు.

ముఖ్యమంత్రి కుటుంబంపై బీఆర్ఎస్ నేతలు చేస్తున్న ఆరోపణలు, వాటికి సంబంధించిన రాజకీయ పరిణామాల నేపథ్యంలో ఈ ఫ్లెక్సీల వ్యవహారం చర్చనీయాంశంగా మారింది. ఫ్లెక్సీల ఏర్పాటుకు బాధ్యులు ఎవరు, వాటి వెనుక ఉద్దేశం ఏమిటనే అంశాలపై స్పష్టత రావాల్సి ఉంది.