కాంగ్రెస్ జిల్లా నేత బాలాజీ నాయక్‌ను పరామర్శించిన మాజీ జిల్లా అధ్యక్షుడు

దశ్రునాయక్ చిత్రపటానికి పూలమాల వేసి నివాళులర్పించిన జన్నారెడ్డి భరత్ చందర్ రెడ్డి

నెల్లికుదురు: మండలంలోని రత్తిరాం తండాకు చెందిన కాంగ్రెస్ జిల్లా నాయకుడు గుగులోతు బాలాజీ నాయక్ తండ్రి దశ్రునాయక్ ఇటీవల మృతి చెందారు. ఈ విషయం తెలుసుకున్న కాంగ్రెస్ జిల్లా మాజీ అధ్యక్షుడు జన్నారెడ్డి భరత్ చందర్ రెడ్డి గురువారం పార్టీ నాయకులతో కలిసి బాలాజీ నాయక్ స్వగృహానికి వెళ్లి కుటుంబ సభ్యులను పరామర్శించారు.

ఈ సందర్భంగా దశ్రునాయక్ చిత్రపటానికి పూలమాల వేసి ఘనంగా నివాళులర్పించారు. అనంతరం కుటుంబ సభ్యులను ఓదార్చి ప్రగాఢ సానుభూతి తెలిపారు. కుటుంబ పెద్దను కోల్పోవడం బాధాకరమని, ఈ విషాద సమయంలో కుటుంబ సభ్యులు ధైర్యంగా ఉండాలని సూచించారు.

పార్టీ కోసం అహర్నిశలు కృషి చేస్తున్న జిల్లా నాయకుడు బాలాజీ నాయక్ తండ్రిని కోల్పోవడం విచారకరమని జన్నారెడ్డి భరత్ చందర్ రెడ్డి పేర్కొన్నారు. ఈ కష్ట సమయంలో బాలాజీ నాయక్ కుటుంబానికి పార్టీ నాయకులు అండగా ఉంటారని తెలిపారు. కుటుంబ సభ్యులు ఈ విషాదం నుంచి త్వరగా కోలుకోవాలని, బాలాజీ నాయక్ తిరిగి ప్రజాక్షేత్రంలో చురుకుగా పాల్గొనాలని ఆకాంక్షించారు.

ఈ పరామర్శ కార్యక్రమంలో కాంగ్రెస్ జిల్లా నాయకులు నాయిని సత్యపాల్ రెడ్డి, దేవరం ప్రకాష్ రెడ్డి, మిట్టకంటి రాంరెడ్డి, మండల నాయకుడు గూదే యుగంధర్ గౌడ్, మార్కెట్ కమిటీ డైరెక్టర్ గుగులోతు భాస్కర్ నాయక్, పీక్ల తండా సర్పంచ్ ఝాన్సీ నరేష్, యూత్ కాంగ్రెస్ నియోజకవర్గ అధ్యక్షుడు సాయి, యూత్ కాంగ్రెస్ జిల్లా నాయకుడు సునీల్ నాయక్, యూత్ కాంగ్రెస్ మండల అధ్యక్షుడు మద్ది రాజేష్, మండల నాయకులు గంకిడి ఎల్లారెడ్డి, బాలాజీ తదితరులు పాల్గొన్నారు.