లయన్స్ క్లబ్ ఆధ్వర్యంలో ఉచిత వైద్య శిబిరం

లయన్స్ క్లబ్ ఆఫ్ చిట్యాల, యశోద మల్టీ స్పెషాలిటీ హాస్పిటల్, మలక్‌పేట్ సంయుక్త ఆధ్వర్యంలో  చిట్యాల మండలం లోని పిట్టంపల్లి ప్రాథమిక పాఠశాల ఆవరణలో నిర్వహించారు. ఈ కార్యక్రమంలో భాగంగా కార్డియాలజీ, జనరల్ మెడిసిన్, ఆర్థోపెడిక్ విభాగాలతో పాటు కంటి పరీక్షలు, బీపీ, షుగర్, కొలెస్ట్రాల్ పరీక్షలు నిర్వహించారు. ఈ సందర్భంగా వక్తలు మాట్లాడుతూ ప్రజలు ఆరోగ్యంపై శ్రద్ధ వహించాలని, వ్యాధులను ముందుగానే గుర్తించేందుకు క్రమం తప్పకుండా వైద్య పరీక్షలు చేయించుకోవాలని సూచించారు. ఈ కార్యక్రమంలో ముఖ్య అతిథి లయన్ మదన్‌మోహన్ రేపాల, గ్రామ సర్పంచ్ అందే అండాలు రాములు, ఉపసర్పంచ్ నారగోని నాగరాజు, క్లబ్ అధ్యక్షుడు లయన్ నర్సింహా గౌడ్, కార్యదర్శి లయన్ మాధవ రెడ్డి పాటి, కోశాధికారి లయన్ కరుణాకర్ గౌడ్‌తో పాటు క్లబ్ సభ్యులు, వైద్యులు, పాఠశాల ఉపాధ్యాయులు పాల్గొన్నారు.