హైదరాబాద్: అర్హత లేకుండానే క్లినిక్‌లు.. 12 మంది నకిలీ వైద్యులు అరెస్ట్

హైదరాబాద్: అర్హత లేకుండానే క్లినిక్‌లు.. 12 మంది నకిలీ వైద్యులు అరెస్ట్

హైదరాబాద్‌లో నిబంధనలకు విరుద్ధంగా వైద్య సేవలు అందిస్తున్న నకిలీ వైద్యులపై టాస్క్‌ఫోర్స్ పోలీసులు కొరడా ఝళిపించారు. సరైన వైద్య అర్హతలు లేకుండా క్లినిక్‌లు నిర్వహిస్తున్న 12 మందిని పోలీసులు అరెస్ట్ చేశారు.

జూబ్లీహిల్స్, సికింద్రాబాద్ ప్రాంతాల్లో టాస్క్‌ఫోర్స్ అధికారులు నిర్వహించిన తనిఖీల్లో ఈ నకిలీ వైద్యులు పట్టుబడ్డారు. ఈ విషయాన్ని టాస్క్‌ఫోర్స్ డీసీపీ వైభవ్ గైక్వాడ్ వెల్లడించారు.

అరెస్టు చేసిన వారి వద్ద నుంచి పెద్ద మొత్తంలో మందులు, సెలైన్ బాటిళ్లు, వైద్య చికిత్సకు ఉపయోగించే సర్జికల్ పరికరాలను పోలీసులు స్వాధీనం చేసుకున్నారు. ప్రజల ఆరోగ్యంతో చెలగాటమాడుతున్న అనర్హులపై కఠిన చర్యలు తీసుకుంటామని అధికారులు తెలిపారు.