షార్ట్‌ సర్క్యూట్‌తో ఇల్లు దగ్ధం.. రూ.1.50 లక్షల ఆస్తి నష్టం
తెలంగాణ
/
యాదాద్రి భువనగిరి
/
వలిగొండ
Kola Mahesh
Munugodu Constituency
- టీవీ, ఇంటి సామగ్రి, రూ.30 వేల నగదు అగ్నికి ఆహుతి
- ప్రభుత్వం ఆర్థిక సహాయం అందించాలని విజ్ఞప్తి
వలిగొండ | ఎన్‌ టుడే న్యూస్‌:
యాదాద్రి భువనగిరి జిల్లాలోని వలిగొండ మండలం నర్సాపురం గ్రామంలో మంగళవారం షార్ట్‌ సర్క్యూట్‌ కారణంగా ఇంట్లో అగ్నిప్రమాదం సంభవించింది. నార్కట్‌పల్లి అనితకు చెందిన ఇంట్లో మంటలు చెలరేగడంతో టీవీతో పాటు ఇంట్లోని వస్తువులు, రూ.30 వేల నగదు కాలిపోయాయి.
ఈ ప్రమాదంలో సుమారు రూ.1.50 లక్షల మేర ఆస్తి నష్టం జరిగినట్లు బాధితురాలు అనిత తెలిపారు. కూలి పనులు చేస్తేనే కుటుంబానికి పూట గడిచే పరిస్థితి ఉందని, అగ్నిప్రమాదంతో తమకు తీవ్ర నష్టం వాటిల్లిందని ఆమె ఆవేదన వ్యక్తం చేశారు.
అగ్నిప్రమాదంతో ఇంట్లోని వస్తువులు, నగదు కోల్పోయి ఆర్థికంగా ఇబ్బందులు ఎదుర్కొంటున్నామని అనిత తెలిపారు. ప్రభుత్వం స్పందించి ఆర్థిక సహాయం అందించాలని, తమ కుటుంబాన్ని అన్ని విధాలా ఆదుకోవాలని బాధితురాలు విజ్ఞప్తి చేశారు.
