విద్యుత్ షార్ట్‌సర్క్యూట్‌తో ఇల్లు దగ్ధం

బాధిత కుటుంబానికి నిత్యావసర సరుకులు అందజేత

ఎన్టీఆర్ జిల్లా ఏ.కొండూరు మండలం పోలిశెట్టిపాడు గ్రామంలో విద్యుత్ షార్ట్‌సర్క్యూట్ కారణంగా కొమ్ము వెంకటేశ్వరరావు–కళ్యాణి దంపతుల ఇల్లు పూర్తిగా దగ్ధమైంది. ఈ ఘటనలో ఇంట్లోని సామగ్రి కాలిపోవడంతో బాధిత కుటుంబం తీవ్ర ఇబ్బందుల్లో పడింది.

విషయం తెలుసుకున్న హ్యుమన్ రైట్స్ ఫౌండేషన్ రాష్ట్ర కన్వీనర్ కోట రాధా, సద్గురు సాయి దివ్యాంగుల ఆశ్రమం కరెస్పాండెంట్ వెంకటేశ్వర్లు బాధిత కుటుంబాన్ని పరామర్శించారు. కుటుంబ పరిస్థితిని తెలుసుకుని వారికి నిత్యావసర సరుకులను అందజేశారు. ఆపదలో ఉన్న కుటుంబానికి అండగా నిలిచి మానవతా దృక్పథాన్ని చాటుకున్నారు.