తిరువూరు వాహిని ఇంజనీరింగ్ కాలేజీలో కౌంటింగ్ కేంద్రాల పరిశీలన

ఎన్నికల ఓట్ల లెక్కింపు ఏర్పాట్లపై పోలీస్ అధికారుల సమీక్ష

ఎన్టీఆర్ జిల్లా తిరువూరు, నవంబర్ 6: ఎంపీటీసీ, జెడ్పీటీసీ ఎన్నికల ఓట్ల లెక్కింపు నిర్వహణకు అవసరమైన ఏర్పాట్లను ఎన్టీఆర్ జిల్లా పోలీస్ కమిషనరేట్ రూరల్ డీసీపీ బి. లక్ష్మీనారాయణ పరిశీలించారు. శుక్రవారం తిరువూరు పట్టణంలోని వాహిని ఇంజనీరింగ్ కళాశాలలో ఏర్పాటు చేసిన కౌంటింగ్ కేంద్రాన్ని మైలవరం ఏసీపీ పి. రామచంద్రరావు, తిరువూరు సర్కిల్ ఇన్‌స్పెక్టర్ గురు ప్రకాష్, తిరువూరు ఎస్‌ఐ శాతకర్ణితో కలిసి సందర్శించారు. ఈ సందర్భంగా కౌంటింగ్ కేంద్రంలో ఓట్ల లెక్కింపు నిర్వహణకు అనువుగా ఉన్న వసతులు, భద్రతా ఏర్పాట్లు, పోలీస్ బందోబస్తు తదితర అంశాలను క్షుణ్ణంగా పరిశీలించారు. కౌంటింగ్ ప్రక్రియ ఎలాంటి అవాంఛనీయ సంఘటనలకు తావులేకుండా ప్రశాంత వాతావరణంలో, సజావుగా జరిగేలా అవసరమైన ముందస్తు జాగ్రత్తలు తీసుకోవాలని అధికారులకు సూచించారు. కౌంటింగ్ కేంద్రం పరిసరాల్లో భద్రతను పటిష్టం చేయడంతో పాటు విధుల్లో ఉన్న సిబ్బంది అప్రమత్తంగా వ్యవహరించాలని రూరల్ డీసీపీ బి. లక్ష్మీనారాయణ పోలీస్ అధికారులకు తగిన ఆదేశాలు జారీ చేశారు.