ఇంటర్ ఫస్ట్ ఇయర్‌లోనూ ఇంటర్నల్ మార్కుల విధానం

హైదరాబాద్: తెలంగాణలో ఇంటర్ ఫస్ట్ ఇయర్ విద్యార్థులకు ఈ విద్యా సంవత్సరం నుంచే ఇంటర్నల్ మార్కుల విధానం అమలు చేయాలని ఇంటర్మీడియట్ బోర్డు నిర్ణయించినట్లు సమాచారం.

కొత్త విధానం ప్రకారం లాంగ్వేజెస్, సైన్స్, కామర్స్, ఆర్ట్స్ విభాగాల్లోని సబ్జెక్టులకు మొత్తం మార్కుల్లో 80 శాతం థియరీ పరీక్షలకు, 20 శాతం ఇంటర్నల్ మార్కులకు కేటాయించనున్నారు.

విద్యార్థుల్లో సబ్జెక్ట్‌పై అవగాహనతో పాటు ప్రాక్టికల్ నాలెడ్జ్, వివిధ నైపుణ్యాలను పెంపొందించడమే ఈ విధానం ఉద్దేశమని విద్యాశాఖ అధికారులు తెలిపారు.

ఇంటర్నల్ మార్కుల విధానం అమలుకు సంబంధించి విద్యార్థులు, కళాశాలలకు అవసరమైన మార్గదర్శకాలను ఇంటర్మీడియట్ బోర్డు జారీ చేయనున్నట్లు సమాచారం.