నేతివారిపాలెంలో వైభవంగా కనకదుర్గమ్మ నవరాత్రి ఉత్సవాలు
ఆంధ్రప్రదేశ్
/
ప్రకాశం
Thallapalli Lakshmana
కనిగిరి నియోజకవర్గ ప్రతినిధి
నేతివారిపాలెం (ఎన్‌ టుడే న్యూస్‌): ప్రకాశం జిల్లా కొండపి మండలం నేతివారిపాలెం గ్రామంలో దసరా నవరాత్రి ఉత్సవాలను పురస్కరించుకుని కనకదుర్గమ్మ అమ్మవారి విగ్రహాన్ని ఏర్పాటు చేశారు. గ్రామంలోని పడమటి బజారులో గ్రామస్తుల సహకారంతో అమ్మవారి ఉత్సవాలను ఘనంగా నిర్వహిస్తున్నారు.
11 రోజులపాటు జరిగే ఈ ఉత్సవాల్లో ప్రతిరోజూ అమ్మవారు ఒక్కో అలంకరణలో భక్తులకు దర్శనమివ్వనున్నారు. అమ్మవారికి రోజూ ఉదయం, సాయంత్రం రెండు పూటలా ప్రత్యేక పూజలు నిర్వహించనున్నట్లు గ్రామస్తులు తెలిపారు.
నవరాత్రి ఉత్సవాలను భక్తిశ్రద్ధలతో, అంగరంగ వైభవంగా నిర్వహించేందుకు ఏర్పాట్లు చేసినట్లు పేర్కొన్నారు.
