సిరిపుల్లలో పెద్దపులి సంచారం.. ప్రజలు అప్రమత్తంగా ఉండాలని హెచ్చరిక

జానంపాలెం, అక్టోబర్ 8: జానంపాలెం పరిధిలోని బొగ్గంచెలక, సిరిపుల్ల ప్రాంతాల్లో పెద్దపులి సంచరిస్తున్నట్లు స్థానికులు గుర్తించినట్లు సమాచారం. దీంతో పరిసర గ్రామాల ప్రజలు అప్రమత్తంగా ఉండాలని సూచిస్తున్నారు.

సిరిపుల్ల పరిసర ప్రాంతాల్లో పశువులను మేపేందుకు వెళ్లేవారు, జీవాలను కోసేందుకు వెళ్లేవారు, పొలాల్లో వ్యవసాయ పనులకు వెళ్లే రైతులు, కూలీలు జాగ్రత్తగా ఉండాలని స్థానికులు హెచ్చరిస్తున్నారు. ముఖ్యంగా ఒంటరిగా అడవి, పొలాల వైపు వెళ్లకుండా జాగ్రత్తలు పాటించాలని సూచించారు.

పెద్దపులి సంచారం కనిపించినట్లయితే దాని దగ్గరకు వెళ్లడం, వెంబడించడం లేదా దానిని తరిమేందుకు ప్రయత్నించడం చేయకూడదని సూచిస్తున్నారు. పులి కనిపించిన వెంటనే స్థానిక అధికారులు, అటవీశాఖ సిబ్బంది, గ్రామ పెద్దలకు సమాచారం అందించాలని కోరుతున్నారు.

ప్రజల భద్రత దృష్ట్యా అధికారులు వెంటనే స్పందించి పులి సంచారంపై నిర్ధారణ చేసి, అవసరమైన రక్షణ చర్యలు చేపట్టాలని స్థానికులు కోరుతున్నారు.