గణనాథుని దీవెనలు ప్రజలందరిపై ఉండాలి : మాజీ ఎమ్మెల్యే చిరుమర్తి లింగయ్య

నల్గొండ జిల్లా చిట్యాల: మున్సిపాలిటీ పరిధిలోని 10వ వార్డులో యువశక్తి యువజన సంఘం ఆధ్వర్యంలో నిర్వహిస్తున్న గణపతి 30వ ఏకాదశి ఉత్సవాల్లో భాగంగా స్థానిక కౌన్సిలర్ నిమ్మనగోటి శ్రీనివాస్, కవిత దంపతులు ఏర్పాటు చేసిన అన్నదాన కార్యక్రమాన్ని నకిరేకల్ మాజీ ఎమ్మెల్యే చిరుమర్తి లింగయ్య ప్రారంభించారు.

అంతకుముందు గణనాథునికి ప్రత్యేక పూజలు నిర్వహించిన చిరుమర్తి లింగయ్య ఉత్సవాల ఏర్పాట్లను పరిశీలించారు. ఉత్సవాలను భక్తిశ్రద్ధలతో నిర్వహిస్తున్న నిర్వాహకులను అభినందించారు. గణనాథుని ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో, సుభిక్షంగా ఉండాలని ఆకాంక్షించారు. కార్యక్రమంలో ఉత్సవ నిర్వాహకులు, స్థానికులు, భక్తులు పాల్గొన్నారు.