అయ్యప్ప మాలధారణ స్వీకరించిన ఎమ్మెల్యే కోమటిరెడ్డి రాజగోపాల్ రెడ్డి

అయ్యప్ప మాలధారణ స్వీకరించిన ఎమ్మెల్యే కోమటిరెడ్డి రాజగోపాల్ రెడ్డి

చండూరు: చండూరు మున్సిపల్ కేంద్రంలోని శ్రీ హరిహరపుత్ర అయ్యప్ప స్వామి దేవాలయంలో మునుగోడు శాసనసభ్యులు కోమటిరెడ్డి రాజగోపాల్ రెడ్డి అయ్యప్ప దీక్ష స్వీకరించి మాలధారణ చేశారు. ఈ కార్యక్రమంలో సంస్థాన్ నారాయణపురం సర్పంచ్ ఉప్పల విజయలక్ష్మి లింగస్వామి కూడా అయ్యప్ప మాల ధరించారు.

ఎమ్మెల్యే కోమటిరెడ్డి రాజగోపాల్ రెడ్డితో పాటు ఆయన అనుచరులు, కాంగ్రెస్ పార్టీకి చెందిన ముఖ్య నాయకులు సహా 100 మందికి పైగా అయ్యప్ప స్వామి మాలధారణ స్వీకరించారు. భక్తిశ్రద్ధలతో స్వామివారిని దర్శించుకుని దీక్షను ప్రారంభించారు.

ఈ కార్యక్రమంలో కాంగ్రెస్ పార్టీ రాష్ట్ర నాయకులు వట్టికోటి శేఖర్, గుండు చెన్న కిష్టయ్య, ఏపూరి యాదయ్య, కర్నాటి వెంకటేష్, వట్టికోటి ప్రశాంత్ తదితరులు పాల్గొన్నారు.