కౌశిక్ మృతి ఘటనపై ఆరోపణలను ఖండించిన ఎంపీ బాగుంట శ్రీనివాసరెడ్డి

సింగరాయకొండ: శ్రీ చైతన్య నవోదయ కోచింగ్ సెంటర్‌లో చదువుతున్న కౌశిక్ మృతి ఘటనపై తనపై వస్తున్న ఆరోపణల్లో వాస్తవం లేదని ఎంపీ బాగుంట శ్రీనివాసరెడ్డి స్పష్టం చేశారు.

కౌశిక్ మరణాన్ని ఆత్మహత్యగా చిత్రీకరించడంలో తన పాత్ర ఉందంటూ MRPS అధ్యక్షుడు మంద కృష్ణ మాదిగ చేస్తున్న ఆరోపణలను ఆయన ఖండించారు. ఈ ఘటనకు సంబంధించి తనపై చేస్తున్న ఆరోపణలు నిరాధారమని పేర్కొంటూ ప్రకటన విడుదల చేశారు.

సంబంధిత విద్యాసంస్థతో తనకు ఎలాంటి సంబంధం లేదని, ఆ సంస్థ యాజమాన్యాన్ని కాపాడాల్సిన అవసరం తనకు లేదని ఆయన స్పష్టం చేశారు. ఘటనపై వాస్తవాలు వెలుగులోకి రావాల్సిన అవసరం ఉందని పేర్కొన్నారు.