పాకల బీచ్‌ ఐదు రోజుల పాటు మూసివేత

అక్టోబర్ 11 నుంచి 15 వరకు ప్రజల ప్రవేశంపై నిషేధం

సింగరాయకొండ, అక్టోబర్ 11: సముద్రంలో ప్రమాదకర ప్రవాహాలు ఏర్పడే అవకాశం ఉండటంతో ప్రజల భద్రత దృష్ట్యా పాకల బీచ్‌ను తాత్కాలికంగా మూసివేశారు. ఈ మేరకు సింగరాయకొండ తహసీల్దార్ ఎన్‌వీబీ రాజేష్ ఉత్తర్వులు జారీ చేశారు.

అక్టోబర్ 11 నుంచి 15 వరకు ఐదు రోజుల పాటు బీచ్‌లోకి ప్రజల ప్రవేశాన్ని నిషేధించారు. సముద్ర స్నానాలకు కూడా అనుమతి లేదని స్పష్టం చేశారు.

ప్రజలు, పర్యాటకులు ఈ నిషేధాన్ని గమనించి బీచ్‌ పరిసరాల్లోకి వెళ్లకుండా జాగ్రత్తలు పాటించాలని అధికారులు సూచించారు. ప్రజల భద్రత దృష్ట్యా జారీ చేసిన ఆదేశాలకు అందరూ సహకరించాలని కోరారు.