యర్నగూడెం బాలికల వసతి గృహంలో ఆర్వో వాటర్ ప్లాంట్ ప్రారంభం

దేవరపల్లి: మండలంలోని యర్నగూడెం గ్రామంలో సాంఘిక సంక్షేమ బాలికల వసతి గృహంలో 3F OIL కంపెనీ సౌజన్యంతో నూతనంగా ఏర్పాటు చేసిన ఆర్వో వాటర్ ప్లాంట్‌ను గోపాలపురం ఎమ్మెల్యే మద్దిపాటి వెంకట రాజు ప్రారంభించారు. కూటమి నాయకులతో కలిసి ఆయన ప్లాంట్‌ను ప్రారంభించారు.

ఈ సందర్భంగా ఎమ్మెల్యే మాట్లాడుతూ.. విద్యార్థినులకు స్వచ్ఛమైన, శుద్ధి చేసిన తాగునీటిని అందించాలనే ఉద్దేశంతో 3F OIL కంపెనీ ఆర్వో వాటర్ ప్లాంట్ ఏర్పాటు చేయడం అభినందనీయమన్నారు. విద్యార్థుల ఆరోగ్యం, సంక్షేమంపై ప్రతి ఒక్కరూ బాధ్యతతో వ్యవహరించాలని సూచించారు.

విద్యాసంస్థల్లో మెరుగైన మౌలిక వసతుల కల్పనకు ప్రభుత్వం చేస్తున్న కృషికి స్వచ్ఛంద సంస్థలు, కార్పొరేట్ సంస్థలు కూడా తమ వంతు సహకారం అందించాలని కోరారు. విద్యార్థినులకు నాణ్యమైన విద్యతో పాటు ఆరోగ్యకరమైన వాతావరణం, అవసరమైన సదుపాయాలు కల్పించడం ముఖ్యమని పేర్కొన్నారు.

ఆర్వో వాటర్ ప్లాంట్ ఏర్పాటుకు సహకరించిన 3F OIL కంపెనీ యాజమాన్యానికి ఎమ్మెల్యే మద్దిపాటి వెంకట రాజు కృతజ్ఞతలు తెలిపారు.

కార్యక్రమంలో కూటమి నాయకులు, వసతి గృహ సిబ్బంది, సంబంధిత అధికారులు తదితరులు పాల్గొన్నారు.