SC, ST అట్రాసిటీస్ చట్టం అమలుపై రాష్ట్ర వార్షిక నివేదికపై చర్చ
SC, ST అట్రాసిటీస్ చట్టం అమలుపై రాష్ట్ర వార్షిక నివేదికపై చర్చ
హైదరాబాద్: సుందరయ్య విజ్ఞాన కేంద్రంలో తెలంగాణ రాష్ట్ర Citizen’s Vigilance & Monitoring Committee (CVMC) ఆధ్వర్యంలో SC, ST (Prevention of Atrocities) Act & Rules అమలుకు సంబంధించిన రాష్ట్ర వార్షిక నివేదికపై సంప్రదింపుల సమావేశం నిర్వహించారు.
ఈ సందర్భంగా DBSU రాష్ట్ర ప్రధాన అధ్యక్షుడు పి.చిట్టిబాబు మాట్లాడుతూ.. ఎస్సీ, ఎస్టీలపై జరుగుతున్న అఘాయిత్యాలను అరికట్టేందుకు చట్టాన్ని సమర్థవంతంగా అమలు చేయాల్సిన అవసరం ఉందన్నారు. బాధితులకు సకాలంలో న్యాయం, పరిహారం, పునరావాసం అందేలా సంబంధిత అధికారులు చర్యలు తీసుకోవాలని సూచించారు.
SC, ST అట్రాసిటీస్ కేసుల నమోదు, దర్యాప్తు, బాధితులకు అందుతున్న న్యాయ సహాయం, పరిహారం తదితర అంశాలపై సమావేశంలో చర్చించారు. క్షేత్రస్థాయిలో ఎదురవుతున్న సమస్యలను గుర్తించి, వాటి పరిష్కారానికి మరింత సమర్థవంతమైన పర్యవేక్షణ అవసరమని చిట్టిబాబు పేర్కొన్నారు.
