ప్రధాన ఎన్నికల కమిషనర్ తక్షణమే రాజీనామా చేయాలి

ప్రజాస్వామ్య పరిరక్షణకు రాహుల్ గాంధీ పోరాటానికి సంపూర్ణ మద్దతు: కోల మహేష్ ముదిరాజ్

యాదాద్రి భువనగిరి జిల్లా: నారాయణపురం: అక్టోబర్ 7

దేశంలో ప్రజాస్వామ్యాన్ని, ఓటు హక్కును పరిరక్షించేందుకు లోక్‌సభ ప్రతిపక్ష నేత రాహుల్ గాంధీ ఢిల్లీలో చేపట్టిన నిరసన కార్యక్రమానికి సంపూర్ణ మద్దతు ఇస్తున్నట్లు నారాయణపురం మండల యూత్ కాంగ్రెస్ ఉపాధ్యక్షులు కోల మహేష్ ముదిరాజ్ తెలిపారు.

ఈ సందర్భంగా ఆయన మాట్లాడుతూ.. ఓటర్ల జాబితా సవరణ ప్రక్రియపై ప్రతిపక్షాలు వ్యక్తం చేస్తున్న అనుమానాలు, ఆరోపణలపై ఎన్నికల సంఘం పారదర్శకంగా సమాధానం ఇవ్వాలని డిమాండ్ చేశారు. ఎన్నికల ప్రక్రియపై ప్రజల్లో విశ్వాసం నిలబెట్టాల్సిన బాధ్యత ఎన్నికల సంఘంపై ఉందన్నారు.

ప్రజాస్వామ్య పరిరక్షణ కోసం ప్రశ్నిస్తున్న రాహుల్ గాంధీతో పాటు ప్రతిపక్ష ఎంపీలను పోలీసులు అడ్డుకుని అదుపులోకి తీసుకోవడం బాధాకరమని కోల మహేష్ పేర్కొన్నారు. అక్టోబర్ 6న ఢిల్లీలో జరిగిన నిరసనలో పలువురు ప్రతిపక్ష నేతలను పోలీసులు అదుపులోకి తీసుకున్నట్లు వార్తలు వెలువడ్డాయని తెలిపారు.

ప్రజాస్వామ్య వ్యవస్థపై ప్రజలకు మరింత విశ్వాసం కలిగేలా ఎన్నికల సంఘం పారదర్శకంగా వ్యవహరించాలని, ఓటర్ల జాబితా సవరణపై ఉన్న అనుమానాలను నివృత్తి చేయాలని ఆయన కోరారు. ప్రధాన ఎన్నికల కమిషనర్ జ్ఞానేశ్ కుమార్ తక్షణమే రాజీనామా చేయాలని డిమాండ్ చేశారు.