ప్రియుడితో కలిసి భర్త హత్యకు భార్య పథకం? భూపాలపల్లిలో కలకలం

భూపాలపల్లి: జయశంకర్ భూపాలపల్లి జిల్లా భూపాలపల్లి మండలం గొల్లబుద్ధారం గ్రామ శివారులోని తండాలో దారుణ ఘటన చోటుచేసుకున్నట్లు సమాచారం. భర్త చందును భార్య పావని, తన ప్రియుడు సంతోష్‌తో కలిసి హత్య చేసినట్లు ఆరోపణలు వెలువడ్డాయి.

హత్య అనంతరం మృతదేహాన్ని ఎడ్లబండిపై తరలించి, చిక్నేపల్లి గ్రామ సమీపంలో పడేసినట్లు సమాచారం. ఈ ఘటనపై సమాచారం అందుకున్న పోలీసులు దర్యాప్తు చేపట్టారు.

ఈ కేసులో భార్య పావనిని పోలీసులు అదుపులోకి తీసుకున్నట్లు తెలుస్తోంది. మరో నిందితుడిగా ఆరోపణలు ఎదుర్కొంటున్న సంతోష్ పరారీలో ఉన్నట్లు సమాచారం. అతడి కోసం పోలీసులు గాలింపు చర్యలు చేపట్టినట్లు తెలిసింది.

పోలీసుల దర్యాప్తులో మరిన్ని వివరాలు వెల్లడయ్యే అవకాశం ఉంది.