యనమద్ది నాగమల్లేశ్వరరావు టీడీపీ చేరిక రద్దు

యనమద్ది నాగమల్లేశ్వరరావు టీడీపీ చేరిక రద్దు

ఎన్టీఆర్ జిల్లా తిరువూరు నియోజకవర్గం గంపలగూడెం మండలం చింతలనర్వ గ్రామంలో యనమద్ది నాగమల్లేశ్వరరావును టీడీపీలో చేర్చుకున్న నిర్ణయం రద్దయింది.

శుక్రవారం గ్రామ పర్యటనలో భాగంగా తిరువూరు ఎమ్మెల్యే కోలికపూడి శ్రీనివాసరావు యనమద్ది నాగమల్లేశ్వరరావును టీడీపీలోకి ఆహ్వానించి పార్టీలో చేర్చుకున్నారు. అయితే ఈ చేరిక పార్టీ నియమావళికి విరుద్ధంగా ఉందని పార్టీ రాష్ట్ర నాయకత్వం నిర్ణయించింది.

ఈ మేరకు ఎన్టీఆర్ జిల్లా టీడీపీ అధ్యక్షురాలు గద్దె అనురాధ లేఖ ద్వారా ఎమ్మెల్యే కోలికపూడి శ్రీనివాసరావుకు సమాచారం అందించారు. పార్టీ రాష్ట్ర ఆదేశాల మేరకు చేరికను రద్దు చేస్తున్నట్లు తెలిపారు. ఈ నిర్ణయంపై రాష్ట్ర పార్టీకి అప్పీల్ చేసుకునే అవకాశం ఉందని కూడా లేఖలో పేర్కొన్నారు.