రొంపిచర్లలో శ్రీ వాసవీ కన్యకా పరమేశ్వరి దేవస్థానం 25వ వార్షికోత్సవ వేడుకలు ప్రారంభం

బాలత్రిపుర సుందరి దేవి అలంకారంలో దర్శనమిచ్చిన అమ్మవారు

రొంపిచర్ల: గ్రామంలోని శ్రీ వాసవీ కన్యకా పరమేశ్వరి దేవస్థానం 25వ వార్షికోత్సవాన్ని పురస్కరించుకుని ఆదివారం నుంచి పది రోజుల పాటు నిర్వహించే ప్రత్యేక పూజా కార్యక్రమాలు ప్రారంభమయ్యాయి. ఉత్సవాల మొదటి రోజు అమ్మవారు బాలత్రిపుర సుందరి దేవి అలంకారంలో భక్తులకు దర్శనమిచ్చారు.

వార్షికోత్సవాల్లో భాగంగా ప్రతిరోజూ మహాన్యాసపూర్వక ఏకాదశ రుద్రాభిషేకం, కుంకుమ పూజలు, అమ్మవారికి ప్రత్యేక అలంకరణలు నిర్వహించనున్నారు. సాయంత్రం వేళల్లో భజన కార్యక్రమాలు ఏర్పాటు చేయనున్నారు.

ఈ ఉత్సవాల్లో భక్తులు అధిక సంఖ్యలో పాల్గొని అమ్మవారి దర్శనం చేసుకుని, తీర్థప్రసాదాలు స్వీకరించాలని ఆలయ ధర్మకర్త మద్ది రామచంద్రరావు, ఉపాధ్యక్షుడు గొడవర్తి వెంకటేశ్వర్లు, ఆలయ ప్రతినిధులు కోరారు.