ఆంధ్రప్రదేశ్ రాష్ట్రంలో వీఆర్వో సర్వీస్ రూల్స్ సవరణ.. వీఆర్ఏలకు శుభవార్త

ఆంధ్రప్రదేశ్ రాష్ట్రంలో వీఆర్వో సర్వీస్ రూల్స్ సవరణ.. వీఆర్ఏలకు శుభవార్త

ఏపీ రాష్ట్ర ప్రభుత్వం వీఆర్వో సర్వీస్ రూల్స్‌లో కీలక సవరణలు చేసింది. 2023 మార్చి 10న జారీ చేసిన జీవో ఎంఎస్ నెం.104కు ముందు నియమితులైన వీఆర్ఏలు ప్రస్తుతం ఇంటర్మీడియట్ అర్హత మాత్రమే ఉన్నప్పటికీ, షరతులతో వీఆర్వో గ్రేడ్–2 పోస్టుకు బదిలీ ద్వారా నియామకానికి అర్హులవుతారు.

కొత్త నిబంధనల ప్రకారం, వీఆర్వో గ్రేడ్–2గా నియమితులైన ఉద్యోగులు నియామక తేదీ నుంచి ఐదేళ్లలోపు డిగ్రీ పూర్తిచేయాలి. నిర్దేశిత గడువులో డిగ్రీ అర్హత పొందకపోతే వారిని తిరిగి వీఆర్ఏ పోస్టుకే రివర్ట్ చేస్తారు.

ఈ సవరణతో ప్రస్తుతం సేవలో ఉన్న ఇంటర్మీడియట్ అర్హత కలిగిన వీఆర్ఏలకు వీఆర్వో గ్రేడ్–2గా పదోన్నతి పొందేందుకు మరో అవకాశం లభించింది.