ఈదులగూడెంలో అర్ధరాత్రి బైకులకు నిప్పు.. ఫర్నిచర్ ధ్వంసం

ఏలూరు జిల్లా ఆగిరిపల్లి మండలం ఈదులగూడెం గ్రామంలో అర్ధరాత్రి గుర్తుతెలియని వ్యక్తులు మాజీ బ్యాంక్ అధ్యక్షుడు సుబ్బయ్య ఇంట్లోకి ప్రవేశించి ఇంటి ఆవరణలోని షెడ్డులో ఉన్న రెండు బైకులకు నిప్పంటించడంతో పాటు ఫర్నిచర్‌ను ధ్వంసం చేసిన ఘటన ఆలస్యంగా వెలుగులోకి వచ్చింది. ఈ ఘటనపై బాధితుడు పోలీస్ స్టేషన్‌లో ఫిర్యాదు చేసినప్పటికీ ఇప్పటివరకు ఎలాంటి చర్యలు తీసుకోలేదని ఆవేదన వ్యక్తం చేస్తున్నారు. విషయం తెలుసుకున్న మాజీ ఎమ్మెల్యే ప్రతాప్ అప్పారావు ఘటనా స్థలానికి చేరుకుని పరిశీలించారు. ఇటీవల హైకోర్టులో అధికార పార్టీకి చెందినవిగా చెబుతున్న క్వారీ, బయో ప్లాంట్‌కు సంబంధించి సుబ్బయ్య కేసులు వేసినట్లు సమాచారం. ఈ నేపథ్యంలోనే తన ఇంటిపై దాడి జరిగి ఉండవచ్చని, ఈ ఘటన వెనుక తెలుగుదేశం పార్టీకి చెందిన వ్యక్తుల హస్తం ఉండవచ్చని బాధితుడు అనుమానం వ్యక్తం చేస్తున్నారు. అయితే ఈ ఆరోపణలు ఇంకా నిర్ధారణ కావాల్సి ఉంది. ఘటనకు గల కారణాలు, నిందితుల వివరాలు పోలీసుల విచారణలో తేలాల్సి ఉంది.