పోలవరంలో స్వతంత్ర ఎంపీటీసీ అభ్యర్థి రజినికి మద్దతుగా ప్రచారం

• గ్యాస్ బండ గుర్తుపై ఓటు వేసి గెలిపించాలని ఓటర్లకు విజ్ఞప్తి

 ఏలూరు జిల్లా, నూజివీడు నియోజకవర్గం, చాట్రాయి మండలం పోలవరం గ్రామంలో స్వతంత్ర ఎంపీటీసీ అభ్యర్థి పానుగంటి సూరిబాబు సతీమణి రజినికి మద్దతుగా గ్రామంలో ఎన్నికల ప్రచారం నిర్వహించారు. ఈ సందర్భంగా గ్రామంలోని యువత, మహిళలు, టీడీపీ సీనియర్ నాయకులు చాగంటి నరసింహారావు, చాగంటి బుచ్చిబాబు, యర్రా చిన్నయ్య ప్రచారంలో పాల్గొన్నారు. గ్రామంలోని వీధులన్నీ తిరుగుతూ ప్రజలను కలుసుకుని రజినికి గ్యాస్ బండ గుర్తుపై ఓటు వేసి గెలిపించాలని అభ్యర్థించారు. గ్రామ అభివృద్ధికి తన వంతు కృషి చేస్తారని పేర్కొంటూ, స్వతంత్ర ఎంపీటీసీ అభ్యర్థి రజినికి ప్రజలు మద్దతు తెలపాలని కోరారు.