డిప్యూటీ తహసీల్దార్ పోస్టుకు సర్వీస్ రూల్స్‌లో మార్పులు
డిప్యూటీ తహసీల్దార్ పోస్టుకు సంబంధించి ప్రభుత్వం సర్వీస్ రూల్స్‌లో కీలక మార్పులు చేసింది. కొత్త నిబంధనల ప్రకారం డిప్యూటీ తహసీల్దార్ పోస్టును కేటగిరీ–4లో చేర్చారు. ఈ కేటగిరీలో స్పెషల్ డిప్యూటీ తహసీల్దార్, డిప్యూటీ తహసీల్దార్ (రిసర్వే) పోస్టులు కూడా ఉంటాయి.
డిప్యూటీ తహసీల్దార్ పోస్టుకు రెండు మార్గాల్లో నియామకాలు చేపట్టనున్నారు. డైరెక్ట్ రిక్రూట్‌మెంట్‌తో పాటు రెవెన్యూ శాఖలో సీనియర్ అసిస్టెంట్‌గా పనిచేస్తున్న వారికి ప్రమోషన్ ద్వారా నియామకం కల్పించే విధానం కొనసాగుతుంది.
డైరెక్ట్ రిక్రూట్‌మెంట్‌కు గుర్తింపు పొందిన విశ్వవిద్యాలయం నుంచి డిగ్రీ విద్యార్హత తప్పనిసరి. నోటిఫికేషన్ వెలువడే సంవత్సరం జూలై 1 నాటికి అభ్యర్థి వయసు 34 సంవత్సరాలు పూర్తి అయి ఉండకూడదు.
సీనియర్ అసిస్టెంట్ నుంచి ప్రమోషన్ ద్వారా డిప్యూటీ తహసీల్దార్‌గా నియామకానికి కనీసం నాలుగేళ్ల సర్వీస్ అవసరం. ఇందులో రెండేళ్ల సర్వీస్ రెవెన్యూ ఇన్స్పెక్టర్‌గా ఉండాలి. అలాగే స్పెషల్ రెవెన్యూ ఇన్స్పెక్టర్‌గా పనిచేసిన ఆరు నెలల సర్వీస్‌ను రెండేళ్ల సర్వీస్‌గా పరిగణించే వెసులుబాటును కూడా నిబంధనల్లో కల్పించారు.
