చింతలపూడిలో వైఎస్సార్‌సీపీ సభ్యత్వ ఐడీ కార్డుల పంపిణీ
చింతలపూడి: చింతలపూడి మెరక వీధిలో వైఎస్సార్‌సీపీ సభ్యత్వ ఐడీ కార్డుల పంపిణీ కార్యక్రమాన్ని నిర్వహించారు. ఈ కార్యక్రమానికి చింతలపూడి నియోజకవర్గ వైఎస్సార్‌సీపీ ఇన్‌చార్జ్ కంభం విజయరాజు హాజరై పార్టీ కార్యకర్తలకు సభ్యత్వ ఐడీ కార్డులను అందజేశారు.
ఈ సందర్భంగా పార్టీ కార్యకర్తలతో ఆయన మాట్లాడి పార్టీ బలోపేతం, సభ్యత్వ నమోదు, క్షేత్రస్థాయిలో పార్టీ కార్యక్రమాల నిర్వహణపై చర్చించారు. కార్యకర్తలు సమన్వయంతో పనిచేస్తూ పార్టీ కార్యక్రమాలను ప్రజల్లోకి తీసుకెళ్లాలని సూచించారు.
కార్యక్రమంలో చింతలపూడి టౌన్ ప్రెసిడెంట్ కొప్పుల నాగు, చింతలపూడి మండల వైఎస్సార్‌సీపీ అధ్యక్షుడు రమేష్ రెడ్డి, జిల్లా మున్సిపల్ విభాగం అధ్యక్షుడు బొడ్డు వెంకటేశ్వరరావు, మాజీ జడ్పీటీసీ నీరజ, రాష్ట్ర మున్సిపల్ విభాగం కార్యదర్శి సుబ్బారావు, జిల్లా చేతివృత్తుల విభాగం అధ్యక్షుడు నిమ్మగడ్డ దుర్గారావు, మిరియాల దిలీప్, మాజీ ఎంపీపీ రాంబాబు తదితర పార్టీ నాయకులు, కార్యకర్తలు పాల్గొన్నారు.
