గ్రీవెన్స్ డేలో ప్రజా ఫిర్యాదులను పరిశీలించిన జిల్లా ఎస్పీ

14 మంది అర్జీదారులతో నేరుగా మాట్లాడి సమస్యలపై ఆరా

బాధితులకు సత్వర న్యాయం జరిగేలా చర్యలు తీసుకోవాలని అధికారులకు ఆదేశం

జిల్లా ప్రతినిధి: ప్రజా సమస్యల పరిష్కారమే లక్ష్యంగా నిర్వహించిన గ్రీవెన్స్ డేలో జిల్లా ఎస్పీ ప్రజల నుంచి ఫిర్యాదులను స్వీకరించి పరిశీలించారు. సోమవారం జిల్లా పోలీసు కార్యాలయంలో నిర్వహించిన కార్యక్రమానికి జిల్లాలోని వివిధ ప్రాంతాల నుంచి వచ్చిన 14 మంది అర్జీదారులతో ఎస్పీ నేరుగా మాట్లాడి వారి సమస్యలను తెలుసుకున్నారు.

ఫిర్యాదుల పరిష్కారానికి సంబంధిత పోలీసు అధికారులతో ఫోన్‌లో మాట్లాడి, ఆయా సమస్యలపై తక్షణ చర్యలు తీసుకోవాలని ఆదేశించారు. బాధితులకు సత్వర న్యాయం జరిగేలా చూడాలని స్పష్టం చేశారు.

ప్రజలకు చేరువగా పోలీసు శాఖ

పోలీసు శాఖను ప్రజలకు మరింత చేరువ చేయడంతో పాటు, వారి సమస్యలను పరిష్కరించేందుకు కృషి చేస్తున్నట్లు ఎస్పీ తెలిపారు. పోలీస్ స్టేషన్లకు వచ్చే ఫిర్యాదుదారులతో మర్యాదగా వ్యవహరించి, వారి వినతులను స్వీకరించాలని అధికారులకు సూచించారు.

ఫిర్యాదులపై క్షేత్రస్థాయిలో పరిశీలన చేపట్టి, వేగంగా స్పందిస్తూ బాధితులకు న్యాయం జరిగేలా చర్యలు తీసుకోవాలని ఆదేశించారు.