చాట్రాయి మండల ప్రెస్ క్లబ్ అధ్యక్షుడిగా ద్రోణంరాజు శ్రీనివాస రావు

చాట్రాయి మండల ప్రెస్ క్లబ్ అధ్యక్షుడిగా వార్త రిపోర్టర్ ద్రోణంరాజు శ్రీనివాసరావు ఏకగ్రీవంగా ఎన్నికయ్యారు. ప్రధాన కార్యదర్శులుగా కొమ్ము అర్జునరావు(సాక్షి), గడ్డం జగన్మోహన్ రెడ్డి(N TODAY) ఏకగ్రీవంగా ఎన్నికయ్యారు.

ఈ సందర్భంగా నూతన అధ్యక్షుడు ద్రోణంరాజు శ్రీనివాసరావు మాట్లాడుతూ మండలంలోని విలేకరుల సమస్యల పరిష్కారానికి కృషి చేస్తామని తెలిపారు. విలేకరుల సంక్షేమం కోసం ప్రెస్ క్లబ్ ఆధ్వర్యంలో ఐక్యంగా పోరాటం చేస్తామని చెప్పారు.

మండలంలోని అర్హులైన విలేకరులందరికీ ఇళ్ల స్థలాలు, ఇళ్లు మంజూరు చేయాలని మంత్రి కొలుసు పార్థసారథిని కోరనున్నట్లు తెలిపారు. విలేకరుల సమస్యలను సంబంధిత అధికారుల, ప్రజాప్రతినిధుల దృష్టికి తీసుకెళ్లి పరిష్కారానికి కృషి చేస్తామని ద్రోణంరాజు శ్రీనివాసరావు పేర్కొన్నారు.